滷肉

滷肉

🥕材料 (2人份) ~ $40.0：

急凍荷蘭五花腩 500g ~ $35

滷水料 (友加) 1 份 ~ $5.0 購於 深圳萬象天地超市 Ole'
老抽 2 茶匙

生抽 3 茶匙

螺光蔭油膏 2 茶匙
紹興花雕酒 2 茶匙
片糖 1 小塊
鹽 少量

🍳 煮法：

1) 急凍五花腩預早一晚從冰格放至雪櫃下格隔解凍，拿出然後用一茶匙鹽加溫水浸五花腩 30 分鐘，把鹽水倒掉，洗淨五花腩。

2) 準備料頭，滷水料放入茶袋備用。

3) 五花腩浸完鹽水，洗淨，切成大小差不多的一大丁方。

4) 燒熱不銹鋼壓力煲，加少許油爆香料頭。

5) 下五花腩快炒，直到四邊輕微焦燶。

6) 加入滷水料、水、片糖，水不用太多，只雖要剛剛冚蓋肉面。

7) 待片糖煮溶，加入老抽、生抽、螺光蔭油膏、紹興花雕酒，然後以大火煮沸。 當所有材料煮滾，冚上壓力煲蓋，轉細火煲 30 分鐘。

8) 煮好後不用開蓋等 30 分鐘，如果想更好味可以拿出放入雪櫃一個晚上。

9) 食之前再翻滾 15 分鐘，收乾汁，五花腩便會更腍更入味。

同場加映：滷水汁灼豆苗

1) 淨下的鹵水汁煮滾。

2) 加入豆苗，快速炒匀。

3) 豆苗一收水，就可以熄火上碟。

💡 小貼士：

• 急凍肉浸鹽水，可去除雪腥味；
• 滷水料用茶袋或魚袋裝住，不會弄到整煲也是，之後滷水汁用來灼菜就方便些；
• 如果沒有壓力煲，可用細火炆一個半小時；
• 這個餸可以一早煮定，放一晚會更好食。

🍽 食後感：

見到街市有急凍五花腩買，切好一件件好靚，就想試下。今次買嘅係荷蘭豬，豬騷味比較重，味道 ok，但驚喜不大。反而上次在國內買的滷水料就有驚喜，非常有鹵水香味。之前係街市買過滷水料，都係花椒、八角、桂皮、香葉之類，但煮出嚟就唔係好香，估唔到香料都有分別。

今次個鹵水做得好粗糙，下次再研究下，做番個滷水膽。不過最後最好食嘅，當然就係個豆苗，有豬油嘅豆苗，跟雞油一樣咁好食，健康就擺埋一邊啦！

參考網站：

如果覺得文章有用或值得支持，就請 like (like 的方法) 多啲啦！謝謝各位！