德國咸豬手

德國咸豬手

🥕材料 (2人份) ~ $46：

西班牙咸豬手 1隻 (Coren) ~ $35

🧂 調料：

白胡椒粒 1 大茶匙
白醋 2 小茶匙
德國啤酒 1 罐 ~ $7
百里香 Thyme 1 大茶匙  ~ $2
月桂葉 Bay Leaves 6 片 ~ $2

配菜：
德國酸菜 Sauerkraut 適量 參考食譜 德國酸椰菜
法式芥末醬  1 茶匙

🍳 煮法：

1) 用壓力煲煲一鍋水，水要蓋過咸豬手，倒入白胡椒粒，水滾後小火煮 3 分鐘，再開大火，加入月桂葉，煮 3 分鐘後，轉小火煮 10 分鐘。

2) 把西班牙咸豬手用冷水沖淨，放入鍋中，加 2 小茶匙白醋，蓋上壓力煲蓋，水滾後轉小火煮 20 分鐘後熄火。

3) 不要打開煲蓋，讓咸豬手在白醋、胡椒、香葉水中浸泡 10 小時。

4) 焗爐預熱 230 度。同一時間撈出咸豬手，瀝乾，然後取一個大烤盤或大碟加入 1 大茶匙百里香，倒入整鑵啤酒拌勻。

6) 把咸猪手放入百里香啤酒混合液内，浸泡10分鐘，浸至 5 分鐘時把咸豬手翻轉，最後給咸豬手做按摩 2 分鐘。

7) 烤盤鋪上牛油紙，撈出咸豬手，放在烤盤上。然後放入 230 度焗爐烤大約 1 個小時，或烤至咸豬手表皮金黃香脆即可。

8) 烤焗期間每 20 分鐘用手掃把百里香啤酒混合液掃在咸豬手表面上，且翻轉後再掃另一邊，共 2 次。

9) 咸豬手烤好上枱時可配以德國酸菜及法式芥末醬食用。

💡 小貼士：

• 如果沒有壓力煲，水滾後轉小火煮 2 小時，然後不要開蓋，焗水一個晚上；
• 食譜是用噴壺噴上啤酒，但因爲我冇，所以就用了掃的方法；
• 冇德國啤酒，用什麼啤酒也可以；
• 要用牛油紙，唔好用錫紙焗，會黐底。

🍽 食後感：

上次煮了 燻蹄，今次就用 Coren 牌咸豬手照包裝上食譜整德國鹹豬手，效果基本上同出街食冇分別，最好係隻豬手冇咩豬騷味，而出街食好多時都有。

不過最近去街士見有整好豬手燻蹄賣，都係 40 蚊，花咁多人工、精神、時間去煮，究竟值唔值得就見仁見智。而且咸豬手要配德國酸菜，酸菜自己整就要再花多幾日時間了。

參考網站：

如果覺得文章有用或值得支持，就請 like (like 的方法) 多啲啦！謝謝各位！