我自己覺得最大原因係自由市場行到某一階段必然會發生的現象，就係現有利益者壟斷市場，拒絕創新，新來者又冇能力打破固有勢力，創造力下跌，市場萎縮，貧富懸殊增加。好多時和物就變成幾十年也不變，不斷食老本。當然香港最大壟斷市場，就是房地產，而高樓價、租金做成商業成本昂貴，基本上扼殺了所有創意。係咁嘅環境下，普通人又怎會開心，因為社會進步了，但生活質素不斷變差。
我這幾年學茶，發現原來普洱茶在香港的發展也是一樣，冇咩進步。最開始普洱熟茶是七八十年代香港經濟起飛需求增加，所以國內才大量生產供應給香港市場，當時國內自己都冇得飲。但近年茶的市場在國內不斷發展，百花齊放，有很多新品牌、新工藝、新產品、新包裝、新市場去吸引年輕一代。但香港呢，茶只是老一輩的玩意，好難吸引到年輕人，而且我哋係香港飲到啲茶，質素越來越差。
另一角度係大眾健康，飲茶得宜其實可以減少很多都市病，減低醫療負荷。看看阿爺對茶的支持及對酒的輕視，近年如果有上國內做生意，應該知道現在應酬飲茶多過飲酒，跟以前的風氣完全唔同。香港人雖然長壽，但好多到老咗都係五勞七傷，由其是三高。其實只要長期飲茶，減少其他糖分類、酒精類飲品，已經可以控制血糖、血壓。不過看看近年超級市場那幅膠樽牆，越來越長，就知道香港人口味的趨向。
唔知有冇讀者去過買茶，可能第一間會想起的就是英x茶莊，以前古舊啲買散茶多，近年就年輕化咗，叫做有啲進步。但通常入去介紹得比你飲的價錢都有返咁上下，而且你所知的就是特級或頂級，多些資料也欠奉，都只係信佢牌子。
至於坊間好多茶室，除非識人，如果唔係通常都唔太敢入去，就算入到去都唔知買咩。要佢介紹就多數係啲不知名嘅牌子，又或者佢哋所謂嘅珍藏老普洱，價錢當然任佢哋開。
後來去咗學茶藝，都幾認真要考試。學完先知道原來我們平時係相片見到個啲及腰茶樹，係人工種值、修剪，因為化肥、農藥的問題，飲咗係對身體有好大害處。但因為生產量大，市面上大部份茶葉都係由呢類茶樹作原料。國內人叫這些做台地茶，基本上唔會飲，但呢啲茶葉用咗嚟做散茶、樽裝茶、連鎖店珍珠奶茶，等，所以產品廣告吹噓飲茶健康有益其實未必跟事實相符。
 |
| 台地茶 |
老師主要推崇老樹茶對養身的益處，好多人都唔知道原來真正嘅茶樹高度係有幾米高，過百年樹齡的就叫老茶樹，有些深山嘅茶樹更可以去到十米高，千年古樹也有。
.jpg) |
| 喬木大茶樹 |
不過老樹茶因為產量低，所以價錢通常幾百克都過千，對於初初進入茶道的初哥，比較困難，所以就開始了我尋茶的旅程。當然當中交了好多學費，而且儲茶越來越多，多到而家要拎出嚟賣。不過當發覺飲茶真係另到身體更健康，而且其實所費有限，都是值得的。而我尋茶中買入第一個茶餅的就是中茶生肖系列，這系列正正是用喬木大茶樹作原料，雖然未去到老樹級數，但中茶品牌，只有講少，唔會講多。選擇優質茶葉，選擇喬木茶樹是第一原則，台地茶盡量避免。這系列有普洱熟茶及生茶，飲過之後，從始入坑返唔到轉頭，飲唔到坊間普遍嘅散茶。
.jpg)
