對於疫情，因為也有親人走了，所以通常看新聞關注死亡數字，多過染疫數字。人走了，什麼財富、擁有過什麼也是枉然，人走了也沒有機會說可以再嚟過。所以身體健康真的是比什麼都重要，不過以上說話講就好多人識講，但其實做就好少人做到，多數人都唔係幾愛惜自己身體。
每次見到新聞報導行山人士受傷、死亡，就會好唔明白，行山啫😒，使唔使搞到連條命都冇埋。究竟人對自己條命有幾在乎？
近日有三個旅行人士去北海道登山🏔️，有一個就返唔到嚟，為咩呢？有去過北海道都知道，一落起雪嚟係落唔停，而那邊的天氣報告都幾準確，去得爬雪山，居然唔理天氣報告，定係人對於自己的能力有過份信心？
又例如明知外哋疫情風險仍然很高，但一話開關就去都去唔切，就算人哋唔歡迎都要去，攪到好多去完返嚟就中招🙄，當然為了旅行對自身健康就不大理會。
應知道要有健康的身體，長期節制、犧牲是不可避免；注意飲食、規律地作息、恆常地運動是基本要求。最近有網紅食了2餐C朗的健身餐單，就高呼崩潰🤮，其實只反映現在的人，適應能力同自制能力真是非常之低。
飲食是養生的重要元素，暴飲暴食當然對身體有害，但太清淡又可能導致營養不良。平衡是最重要，均衡飲食，按不同體質、不同季節，食療可以平衡身體所需，而飲茶正是其中之一個最簡單改善體質的方法。
今年的農曆新年在一月尾，比平常早，每年這時候就要辦年貨，茶葉是其中之一，尤其是中茶的生肖系列，因為要用來送禮、自用。由2012年龍年🐉開始，中茶每年也會推出普洱生肖生茶、熟茶及白茶茶餅。
三種茶葉，大概就可以滿足一年不同季節、身體不同狀況的需要。2023年迎來兔年🐇，是12生肖最後一年，終於可以集齊這一系列。
普洱熟茶是最多香港人飲的茶，中茶生肖茶通常甄選雲南省瀾滄江流域雲南大葉種喬木大樹茶菁拼配而成，用料高級，入口香醇，精工細作，嚴控品質。我通常去飲茶、食飯時就會飲普洱熟茶，因為可以幫助消化。而秋、冬之後，飲普洱熟茶會有更好暖身效果。
普洱生茶好多人未必飲過，因為酒樓冇得叫。普洱生茶偏寒涼，又其是新茶，十分適合體質燥熱人士及夏天飲用，又或在吃了煎炸食物、打邊爐後，可以用來清熱氣。多數男人都燥熱，我都係，但自從飲了普洱生茶之後，就不再需要飲涼茶。長期飲用，體質慢慢改善，而家都冇以前咁燥😅。所以到了夏天，我就會時常飲普洱生茶。
香港人認識壽眉，但未必認識整個白茶系列。白茶這幾年在國內非常之火，產品售價不斷攀升。以三款生肖茶餅，這款白茶是售價最高的，普洱生茶次之，普洱熟茶最平，因為通常製造普洱熟茶的茶菁是最粗老。
民間智慧有說白茶「一年茶、三年藥、七年寶」，以前福建貧窮地區，沒有醫生，發燒、感冒🤒就靠飲老白茶去治療。由疫情開始我和我的屋企人就開始飲老白茶，touch wood 到現在也沒有「陽過」。係唔係白茶的功效就沒有辦法證明，但一開始覺得牙肉痛、頭重重🤧就會飲老白茶，飲幾日就冇事，當然真係病就緊係要睇醫生啦😅。不過市面上老白茶都不便宜，所以自己每年儲一啲，過幾年就有得用，好似果皮一樣。但儲就要儲真嘢，中茶大牌子，質量有一定保證，唔係白花幾年時間儲了沒功效的白茶就嘥心機捱眼瞓🙄。
希望新的一年，所有2022年不好的事情都過去，變返一個正常、平安的一年🙏🏻。
最近飲過白茶中的白毫銀針,味道ok
回覆刪除白毫銀針就適合新鮮飲用，雖然同是白茶系列，但滋味就跟白牡丹、壽眉完全不同。
刪除