以前好怕凍，可能一直身型比較瘦削，冇咩脂肪，保唔到暖😅。不過近年不知何解，好似冇咁怕凍，係香港就算幾凍都冇乜著羽絨（近排體脂維持15-16，比以前更少脂肪）。
這幾天看了篇文章
文章講日本電視台節目「この差って何ですか？」實測多款常見保暖熱飲的禦寒效果，結果如下：
- 第6名：咖啡 - 飲用後暖身效果只有9分鐘
- 第5名：綠茶 - 飲用後暖身效果可達14分鐘
- 第4名：甘酒 - 飲用後暖身效果可達27分鐘
- 第3名：薑茶 - 飲用後暖身效果可達47分鐘
- 第2名：紅茶 - 飲用後暖身效果可達52分鐘
- 第1名：朱古力 - 飲用後暖身效果可達59分鐘
通常這些節目測試結果，都會不同於我們一直以來的認知，唔係咁邊有節目做呢😝？
好似咖啡，唔知係唔係電視、電影宣傳得太多，總以為天氣凍飲杯咖啡可以暖身，怎知測試結果只得9分鐘，可以說隨飲隨散，或者同飲杯熱水冇咩分別。原來咖啡因有降低體溫的效果，所以反而不利身體保溫。
另外以為飲酒可以暖身，不過有飲酒經驗都知道，酒氣一散，個人反而覺得更加凍。因為酒精令到血管擴張，更加快身體熱量流失。
反而熱朱古力可以暖身就知道，之前去北歐，係啲公路服務站飲一杯，真係好暖身，而且糖分也增加身體能量。
最估唔到的當然是紅茶，原來紅茶含有豐富茶黃素，是各類茶葉之中最高，能促進血液流動，所以令到身體保持溫暖。
而茶黃素是由茶多酚（兒茶素）經過發酵而成，所以通常經過發酵的茶葉茶黃素含量會比較豐富。綠茶發酵度輕微，所以茶黃素含量比較少，而且綠茶含有大量咖啡因，因比飲用綠茶就不太保暖，反而更適合夏天飲用。所以雖然茶葉看上去差不多，但其實不同種類，分別十分之大。
不過薑茶比紅茶低就有些奇怪，因為薑茶通常都係紅茶加薑，唔通加咗薑反而效果更差🤔？原來薑會令到身體溫度突然上升，反而不利於長期保溫。而且薑比較燥熱，好多女士以為自己一定是寒底，其實未必，所以薑茶只適合某一些人士，不是每個人也合適。
反而紅茶性溫味苦，入脾胃經，心經，具有溫補脾胃，益氣溫中，醒腦提神，開胃健脾，活血化瘀，止瀉利尿的作用，可以適合所有人，尤其是女士、年長人士或脾胃差的人。而且紅茶沖泡非常方便，隨沖隨飲，在寒冷天氣，是最佳的保暖飲品。而且長期飲用，可以改善體質，近年我不太怕凍，唔知係唔係就係呢個原因🤔？
普洱茶暖身正, 果種溶溶地既感覺好好
回覆刪除都是發酵茶，不過暖身效果，紅茶會好啲。
刪除平靚正，石歧外感茶，是可以預防流感骨痛，相信不是很多人知道，尤其流慼季節！！
回覆刪除多謝推薦，不過外感茶始終是中藥，不可能每天也飲用，但紅茶就每天飲也沒有問題。
回覆刪除