近期維他奶出咗一個新系列叫新鮮茶，咩嘢係新鮮茶？據維他奶解釋是香港新鮮生產，冇加防腐劑，所以就是新鮮。
賣點有嚴選高品質茶葉、以冷泡技術新鮮沖泡，鎖住茶葉精華、香港製造，全程冷藏新鮮運送及不添加色素和防腐劑。
除了紅茶有指名是斯里蘭卡，其餘也沒有指名是那個地方的茶葉，有幾高品質就有待商榷。
至於冷泡，通常只有香氣重的茶葉，才會用冷泡去沖泡，因為香氣可以得以保存。但幾千年流傳下來的品茗技巧都是以熱溫水去沖泡茶葉多，不見得冷泡比熱水沖茶更好。而且這系列產品要冷藏而又沒有加入防腐劑，很大機會用了巴氏德消毒法，如果以70-90℃溫度消毒，其實跟沖茶的水溫差不多，那麼為何要多此一舉🤔。
雖然話冇添加色素和防腐劑，但一樣有加入調味劑、酸度調節劑、抗氧化劑、穩定劑，咁又有幾健康🙄？
平常沖茶，唔知有冇留意茶嘅顏色？我做咗一個實驗，沖咗一杯茶，然後每三個鐘影一張相，看看顏色的變化：
左上角一張是剛剛沖茶出來影的，右邊的一排是每隔三個鐘頭影一張，最後左下角的一張，是隔了一個晚上，第二日早上影的。大家估下這些變紅了的茶湯，是好還是不好？
當然是不好啦！茶裡面有很多胺基酸、抗氧化物等，遇上空氣中的細菌、微生物就會産生氧化作用而變質。基本上茶一沖出來就應該要馬上喝掉，放上一、兩小時已經會開始變壞。而且越靚嘅茶，內含物質越豐富就越容易變壞。那麼以上維他奶的新鮮茶又有幾新鮮🥱？
唔知大家有冇睇電視 J2 港女野人第六集，我自已經好多年冇再買紙包、膠樽飲品，網上面非常容易找到關於這些即棄垃圾怎樣污染環境。
香港是一個超奇怪的地方，好多人都講環保，認真到有好多人冇屋住都要保住啲郊野公園，但去到郊野公園又不斷掉垃圾去破壞環境。其實好多時吹得大係冇用，有心的只要減少製造垃圾，例如飲少啲紙包、膠樽飲品，就可以為這個地球出一分力。自己沖一杯茶真是那麼困難嗎🤔？
沒有留言:
發佈留言