深圳萬象天地超市 Ole'

煮嘢食食材係第一步，所以好多時去到唔同地方，都會鍾意行下 market 或者超市，了解下當地人食啲乜嘢。昨日就去了深圳萬象天地裏面嘅超市 Ole'，睇下有咩可以買。

超市格局有啲似 c!ty'super，應該是國內比較高級的超市。

一入到去就見到擋買芒果，叫攀枝花青凱特芒。這間超市最好就是好多嘢可以試食，亞姐好殷勤咁招呼，一試個芒果，咦！點解咁好食嘅！又甜又香又冇渣，望下個出產地係攀枝花，乜嘢地方嚟㗎？Google 一下，原來喺四川，乜大陸可以種到啲咁好食嘅芒果㗎咩？ 以為只有菲律賓、印度先出產靚芒果，原來中國也有靚芒果，即刻畀錢買咗個。

攀枝花芒果真的「好芒」，五大特點成就「水果之王」

跟住行下，又有個亞姐請食蜜瓜，叫莎妃蜜瓜，見個樣跟包裝幾靚仔，以為係日本蜜瓜。點知一試，乜又係咁甜咁好食嘅！睇下邊度出產，叫做靈武，又係乜鬼地方？Google 下，原來係寧夏回族自治區，其實都唔知係邊，總之好遠。之前食過啲日本蜜瓜，可能我食個啲普通，呢個比起上嚟好食好多，又平好多。當然又即刻畀錢買返個，點解香港唔見有得買？

在日本賣出千元一個的網紋蜜瓜，我們幾十塊就能吃到

之後就隨便買了一些食材，未知好唔好食，也未決定煮咩好。

新疆貴族南瓜

一休靚瓜，即係青瓜，超市裏面有幾種青瓜可以試，這一種是最爽，最清甜。

買了包黑木耳，想做涼拌或炒。國內人好喜歡食，是養生食品，身體的清道夫，聽説有清理腸道、降血脂、降膽固醇作用。

雲南乾腐竹

鹵料一包

下星期看看可以怎樣煮？

如果覺得文章有用或值得支持，就請 like (like 的方法) 多啲啦！謝謝各位！