Ztore 買綿香橄欖菜

煮嘢食當然要買食材同埋調味料，細個嗰陣時就只係街市度買嘢，而家啲人就多係超市買，但係好多時超市所買嘅嘢款式都係有限。呢兩年就開始有網購，網購嘅好處除了價錢平，還有種類選擇多。有陣時想買嘅食材及調味料，未必到到有得買，上網買就可以慳番好多時間。

啱啱係 Ztore 買咗啲嘢，Ztore 多支持本地製造，有好多本地生產嘅調味料。好嘅調味料，可以將平凡嘅食材煮成一碟不平凡嘅餸菜。基本上超市買嘅大牌子調味料，質素都係麻麻，所以好多時都會上 Ztore 睇睇。

今次最主要想買呢樽橄欖菜，因為 taichen兄 講起鼎爺煮嘅乾煸四季豆。因此需要橄欖菜，平時多數都係用蓬盛香港橄欖菜 舌尖上的潮汕「雜咸」，蓬盛香港橄欖菜 ，不過奇怪蓬盛香港橄欖菜唔係香港製造，反而呢隻綿香橄欖菜就係香港製造，所以就試一試。

不過綿香最出名嘅唔係橄欖菜，而係沙嗲醬 石屋沙嗲王 綿香沙嗲 ， 所以就買埋試下。

呢樽醬油係用嚟煮瑞士汁，之前阿蘇都介紹過 阿蘇瑞士雞翼，遲啲用嚟整瑞士雞翼。

呢包百勝廚嘅乾咖哩，見佢半價所以就買嚟試下。因為覺得百勝廚啲喇沙好好食，唔知呢個有冇驚喜。

花椒油就想用嚟做涼拌菜，只用醋跟麻油總係好似爭咁啲嘢，但如果用辣椒油又會太辣，花椒油就會好一些。

其餘都係減價先至買嚟試下，衰咗冇咁浪費。

如果覺得文章有用或值得支持，就請 like (like 的方法) 多啲啦！謝謝各位！