潤腸北菇滑雞煲仔飯

潤腸北菇滑雞煲仔飯

🥕 材料 (2人份) ~ $49：

雞下髀 2 隻 (美國) ~ $16
花菇 4 隻 (樓上韓國精選花菇) ~ $8
鮮潤腸 2 條 (永華臘味行) ~ $20

米 300g (金鳳溝埃及米) ~ $5

水 300ml

薑 2 至 3 塊切成絲

🏺煲仔飯豉油：

糖 1-2 茶匙 (按老抽，生抽咸度而定)

老抽 2 湯匙

生抽 1 茶匙

水 2 湯匙

油  少許

🧂 醃料：

薑汁 1 茶匙

糖  1 茶匙

老抽  1 茶匙

生抽  1 茶匙 

白胡椒粉 少許

麻油 少許

生粉 (荷蘭風車牌)

🍳 煮法：

1) 雞下髀解凍、斬件，用醃料醃 1 小時。

2) 米用水沖洗， 然後放在筲箕涼乾 30 分鐘。

3) 冬菇浸過夜，去椗，切成六塊。用平底鑊落少少油爆香冬菇，加少少鹽、糖、雞粉調味。

4) 鮮潤腸用滾水淥一淥，可把多餘油份去掉。

5) 砂煲放水開大火煮滾，加入米，其間不斷用筷子轉動米水，等米不要向下沉底，直至水不斷翻滾，轉中火，其間不用冚蓋。

6) 當米開始攪不動，把鮮潤腸及冬菇放在表面。而當米煮成飯表面形成蝦眼水的時候，把雞下髀放上，冚蓋，收細火煮 10 分鐘，每 2 分半鐘轉砂煲 1/4 圈。

7) 之後把煲放斜，四邊輪流轉動，每邊煮 4 分鐘 2-3 分鐘，直至聞到少少飯焦香即可。煲好的飯放多 5 分鐘才開蓋，等進一步收乾水。

8) 放薑絲、煲仔豉油即可上桌。

💡 小貼士：

• 煮煲仔飯最重要米，之前係埃及買咗啲米，非常乾身，就咁煮唔好食。但可用嚟溝米煮煲仔飯，飯不會過爛，啱啱好。比例大約溝 20-25%；
• 煲仔飯加潤腸或臘腸，因為有油份所以煲出嚟啲飯更加香。潤腸有分鮮潤腸及晒乾，喜歡食潤腸一定要揀鮮潤腸，煲出來的潤腸夠軟身，入口即化，不過不是太多地方有得買；
• 花菇揀細隻，好過大花菇，比較香和容易煲淋；
• 水及米比例 1:1 就不會太多太少，如果把浸菇水加到煲裏，就按份量減少滾水；
• 煮煲仔飯很多時煲出來的肉會不夠滑，一來可能煮得太耐，二來用的生粉很重要，鷹粟粉或超級市場買的生粉效果不太好，要去街市買散裝荷蘭風車牌生粉，醃出來的肉才會滑身；
• 如果不要飯焦就不用打鈄煲四邊煮，可加 simmer 煲 10 分鐘代替。

🍽 食後感：

煲仔飯好難煮得好，因為米的選擇，餸的選擇，不同的煲及火喉的控制也會影響出來的效果。今次飯焦效果也有少少燶，所以打斜每邊煮的時間要減少，寧願轉多幾次。

永華臘味行 的鮮潤腸第一次試，真係好好食，又不肥膩。

兩個人，一煲飯，又一餐。

參考網站:
【零失敗自煮煲仔飯】豉汁排骨煲仔飯點先有飯焦？大廚教唔想燶底要咁做

北菇滑雞煲仔飯 一 簡單做法

如果覺得文章有用或值得支持，就請 like (like 的方法) 多啲啦！謝謝各位！