一百下掌上壓 Do 100 Push Ups a Day - Life Changing

講咗一大論，咁究竟點樣開始做運動？

做運動要堅持下去，最緊要係將運動變成你生活嘅一部分，所以選擇什麼運動，其實已經預計到可唔可以堅持下去。小時候好喜歡游水、跑步、打籃球，但出來做事之後，打籃球已經越來越少，因為要搵腳已經唔容易。跑步又因膝痛而要放棄，剩下游水，但每日返工、放工，還要找時間去游水，就算住的地方有會所泳池，慢慢都提唔起勁每日花個多小時去運動。到有家庭的時候，還有心情做運動嗎？

之後因為各種痛症，就變成了找各樣 Yoga、Pilates、伸展運動、健身等，希望可以強化身體。健身也有多年，但也是停下，做下，效果不是太好，直到疫情冇得去健身室，就疊埋心水係家裏做運動。

不過有時周圍找不同的運動，其實最簡單、最方便、最原始的可能反而是最好。

Chris 介紹了自己每日做一百下掌上壓去鍛煉身體，對於初初不夠力量去練 calisthenics ，是一個很好的鍛煉。做掌上壓好處是差不多是全身運動，肌肉包括手臂、膊頭、胸、下背、核心力量，只是一個動作其實已經可以鍛練身體大部份肌肉。

突然記起學生時代，男生總是會用做到多少掌上壓來比賽邊個最強壯？那時有一段時間每晚也堅持做幾十下掌上壓，反而人長大了就忘記了這種在體育堂上的最基本運動。

還有掌上壓的好處是可以在任何地方、時間、唔需要任何器械就可以練習，咁就冇藉口因為落雨、因為冇人陪、因為架機壞咗、因為今晚夜返冇時間等等藉口而唔去運動。

已經實行了一個月，起身就開始做，感覺好奇怪，本來老人家瞓醒就成身硬哂，冇哂力，但做一百下掌上壓反而會越做越精神，做完更加全身鬆哂，行氣活絡的感覺。

一開始其實已經可以連續做五十下掌上壓，但當然個 form 麻麻。一個月下來不斷改進個 form，雖然下數還是五十，但個 form 就好了很多。胸的線條也明顯結實了。然後是三十下 Incline Push Ups，

 

 

最後二十下 Decline Push Ups，總共一百下，上、中、下胸也訓練得到。

 

 

不過 video 入面 Chris 講其實每日做一百下 Push Ups，長期未必好事，因為背部肌肉也要鍛練才會令到上半身整體肌肉平衡，而呢樣正正是好多人忽略了。由其是城市人，坐得多，腰背更加冇機會鍛練。就算去健身室好多時都見到好多人只是主要練胸，但就忽略了背部的鍛練，長期下來，胸大過背，就有寒背的問題。

女士由因身體構造，有時不太想強調挺胸收腹，伸直腰背，所以運動時未必太主意去鍛練背部肌肉，通想只想訓練手、腳、腰。

我自己就因為痛症，去健身練背好多時都整傷，變成練下、停下。其實今次試練 calisthenics，另一個原因是 calisthenics 非常強調對腰背的鍛練，強化背肌的同時相對健身冇咁容易受傷。

當然現在大約只做到五下 Pull Ups，不要講一百下了。但當我做 Push Ups 比較容易，而 Pull Ups 困難，正正表明身體背部肌力不夠，所以才引致各種腰背痛症。

暫時方法是改用做 Australian Pull Ups 一百下，即是今日做一百下 Push Ups，明日做一百下 Australian Pull Ups，如此類推，看看之後的進度才更改。

 

運動要堅持下去，還要有目標，Chris 嘅 workout 好處係好容易 set target，而做到好有滿足感，因為能夠做到的只有少數人。好似 Pull Ups，其實好多人一下也做不到。

暫時 Push Ups 的目標係 non stop 一百下，現在是五十下，下個短期目標是六十下，不過看似不容易突破。如果一個月後還未做到，可能要跟據 Chris 的方法，改做其他難度高的 Push Ups 去提升力量，然後再嘗試。

至於 Australian Pull Ups，因為器材所限，暫時是十下，休息三十秒再十下，直到做完一百下。開始了大約兩個星期，最初只做到五下，其餘個 form 只是向上郁郁下，因為跟本不夠力。標準應該是鎖背、胸口要貼杆才算一下。所以希望下個月可以做全部一百下個 form 係正確，之後再有文章講怎樣做。

當然做一百下掌上壓初時好似好難，但練習多了其實只是熱身，而最重要是訓練 Discipline 去堅持做運動。係 Youtube 有很多人挑戰這個 challenge，大家可以 search 下，睇下其他人點樣開始及堅持。而好多時做事成功與否，不是因為做得叻唔叻，而係我們可不可以堅持。

一個好的開始就是成功的一半，我就開始了我的 Life Changing，你又有冇興趣去開始呢？

更多相門關文章在 極限無忌 https://healthnotaboo.blogspot.com。

如果覺得文章有用或值得支持，就請 like (like 的方法) 多啲啦！謝謝各位！