小米體脂計

 

之前個浴室磅只可以磅重量，但最新目標想增加肌肉、減少身體脂肪，不過整體重量又希望不要大幅改變，所以就要買個體脂磅做紀錄。價錢、口碑都不錯的小米就成了首選，本來想淘寶落嚟，但見豐x有特價，咁啱又有張 200 蚊 coupon 可以用，就買咗返嚟。

小米一灌的白色包裝。

打開裝 4 粒 AAA 電就用得，產品造工不錯，好紮實，企上去一啲搖晃都沒有。個磅長期 stand by，企上去就磅得，不過比較奇怪是每一次攞出嚟磅，第一次磅都係唔準，要再企上去磅多一次才準。

看見網上評論，個磅跟實際重量有偏差，之前舊磅磅係 72kg，買返嚟一磅得 70kg，究竟邊個先至準就唔知啦。不過以健身角度，重量沒有什麼意義，重要是體脂及肌肉量，而可記錄當中變化才更重要。

所以個磅其實就咁磅係冇用，因為只顯示重量，如果要知道、記錄其他資料就要裝小米運動 apps，即係又要免費供應私隱比小米做大數據，所以呢個世界係冇免費午餐。

裝了之後又要建立 account，又要比啲個人資料佢，攪一輪才可跟個體脂計配對。如果要紀錄重量資料，電話藍牙、定位要開啟，咁又可以攞多啲私隱。

打開 apps 點右上角+號，就出了以下選擇。

再點選體脂計就開始配對...

講到明攞你資料，可以不同意嗎？

企上體脂計就進行綁定....

成功綁定就會出這個畫面，之後就可以磅重了。

企上體脂計就開始工作....

但要等重量下 5 條 bar 行完，出了報告完成整個分析過程，才可離開體脂計。

第一就比個分數你，69 分當然係普普通通，但有空間改進💪🏻。跟住就是分析，第一部份是做得不好的地方，水份不足，可能這個月減重太多，其實每日已經飲 2L 水以上。

基礎代謝 BMR 計出來係 1346，實際 1324，差少少，年紀大數值自然偏低。這個數字好緊要，如果基礎代謝高，瞓係到都減到肥。佢提議飯後走一圈🚶，但 BMR 應該跟肌肉量關係較為密切，所以 BMR 不足夠，多數也是肌肉量不足夠。又或是最近用腦太少，因為腦是身體消耗卡路里一大器官之一，所以寫下 blog 可能都有幫助。

用基礎代謝可大約計出身體每日消耗的卡路里 TDEE，數字可以用來控制飲食、設計餐單，之後分享飲食的時候會用到。

至於體脂，雖然只得小肚腩，但估唔到原來脂肪積聚咗喺內臟，可能要好耐先減得到。

開始了 Chris 嘅 workout 跟控制飲食差不多一個月，之後紀錄住體脂、內臟脂肪這些指標就可以知道現在用的方法 work 唔 work，比只看磅數有效。

另一部份就是 BMI、肌肉、蛋白質、骨質分析。BMI 就冇咩用，肌肉就可以看到訓練有沒有效，身體要健康肌肉量比例要高。

女士很多時也會忽略肌肉的重要性，通常女士脂肪比例高啲，好多嘅肌肉量都唔夠。但想瘦身，就一定要增加肌肉量，因為肌肉比例高，基礎代謝也會高，身體每日所需要嘅卡路里就會增加，咁脂肪就冇咁容易係身體積聚，即係食多啲嘢都唔怕肥。

蛋白質同樣重要，因為要攝取足夠蛋白質，肌肉才會生長，但係蛋白質攝取太多又會增加腎臟的負擔，所以數據可以用來制定飲食份量。不過我有啲懷疑體脂計怎樣得出這個數值，如果是用肌肉量計算出來就沒有用了，因為跟本不是身體現在吸收到的蛋白質。

女士就更加要注意骨質，負重運動有助於骨質質素，所以如果骨質持續下跌，就要特別設計運動的強度，比要燃燒脂肪可能更重要。

最後一部份是身體年齡，36 歲？應該係產品設計用嚟氹你開心，雖然知道係假，但見到都幾開心😅

理想體重顯示 64.40kg，我會覺得太輕，因為肌肉重量比脂肪重，如果實現增加肌肉、減少脂肪的目標，以我的高度，現在體重是差不多。Chris 高我少少，體重由幾年前 150 磅增加到現在 170 幾磅，增加全部係肌肉，所以為什麼重量其實參考性好低。

之後要做就係日日上磅，因為 BMR 要飯後 12 小時量比較準，所以揀起身飲一杯水之後就磅重，一個月之後再看看有什麼變化，希望有🙏🏻。

更多相門關文章在 極限無忌 https://healthnotaboo.blogspot.com。

如果覺得文章有用或值得支持，就請 like (like 的方法) 多啲啦！謝謝各位！