一看到玩街頭健身那些人，對於我們這些上了年紀或女士第一個感覺是這種運動唔啱我哋玩，但事實真的是嗎？
之前係 Youtube 見過人玩街頭健身，香港也有，電視都介紹過好多。但從來沒有想過要學習，因為知道以自己年紀係冇可能做得到。但裝咗 Chris 嘅 apps 及上 YouTube 睇咗佢啲 workout，我就知道自己思想太狹窄，或者是跟本對 Calisthenics 不了解。
將 Calisthenics 譯成自重健身或自重訓練我覺得更合適，因為運動正是利用自身的重量做成阻力去訓練身體不同的肌肉，而我們見到的街頭健身只是其中一種玩法。雖然 Chris 也有用 weighted vest 去加強訓練(好似悟空？)，但那是非常進階的玩法。
近年健身除了舉重、做機，還非常推崇配合 HIIT 或 Tabata 之類的高強度間歇訓練去達到瘦身效果。鄭秀文賣廣告都由跑步變成 HIIT 才表示更 fit。
簡單來說高強度間歇訓練就是用 15-45 秒去快速完成一些動作，然後体息 20-60 秒不等，再做另一組快速動作，再休息。通過不斷動作-休息-動作-休息去完成一組鍛鍊。而每個動作-休息循環大約在 1-2 分鐘之間完成，從而達到增加心肺功能、燃燒脂肪、增加肌力等效果。
網上有很多關於 HIIT 的理論及實踐，這是其中一篇
研究顯示人體對於一些間歇性高強度運動，所消耗嘅卡路里比只是穩定地跑步或其他有氧運動高。粗略說做 10 分鐘 HIIT 比跑步 30 分鐘消耗更多卡路里。而且因為運動的高強度讓身體耗氧量到達最大攝氧量，身體會啟動一種機制叫做「後燃效應 After-burn Effect亅，令到運動之後身體會繼續消耗能量。其實跑步、游泳、踩單車也可以配合這種訓練方式以達致消耗更多卡路里，不過正如之前講過單一關節重複相同動作長期會令到關節勞損，而高強度跑步、踩單車對關節傷害更大。
反而 HIIT 或 Tabata 不會有單一關節重複動作的問題，因為訓練動作可以有無限的組合。而且除了增加心肺功能外，還可以鍛鍊身體不同的肌肉及平衡力。所以比起單一的有氧運動，高強度間歇訓練更加值得推薦。
Chris 的 workout 最特別地方就是把一些 Calisthenics 技巧加入了高強度間歇訓練。而每個 workout 也分成 Beginner, Intermediate 及 Advanced，變成可以適合任何人、任何年紀的人訓練。他在 YouTube 時常強調最簡單的動作 anybody can do，比其他導師所教，更易入手。
例如掌上壓，好多女士都做唔到，但以上片段 Chris 把掌上壓分成 level 1 至 level 10，相信 level 1 是沒有人做不到。
Incline Push Ups
而有些難度更大的動作，Chris 又會講明你要達到什麼程度才可以練，令到受傷機會大大減低。
就算你對 Calisthenics 啲招式冇興趣，但每次訓練其實係獨立的一個高強度間歇訓練，而 Chris 嘅 workout 又比普通高強度間歇訓練更高強。所以身體機能因為持續訓練就會慢慢提升，從而更健康、更強壯。學嘢梗係要學個秘笈有十層，好過只係得嗰兩三招😝。
還有因為是自重訓練，即是可以不受器材，時間、地方限制，無論在家、工作地方，戶外也能夠訓練，只是差有沒有恆心堅持下去。
不過對於沒有 HIIT、Tabata 運動經驗的人，Chris 嘅 beginner workout 都係比較困難，建議先從其他 apps 例如 KEEP、Fitify 練習，熟習了高強度間歇訓練才開始用 Chris 嘅 apps 練習。
我自己做了 HIIT 差不多一年(因為疫情冇得去 gym😓)，我認為比跑步、踩單車更有效用、更有挑戰性，而且不會做到好悶，因為有時係 gym 睇住電視跑步、踩單車其實都幾悶。而且做 HIIT 15-20 分鐘已經有不錯效果，但踩單車 15 分鐘可能只是熱身。
其實每種運動也有好處或不足地方，但 Chris 嘅 workout 幾乎將我之前學過嘅健身運動所有不足處也改進了，變成了一種近乎 perfect 的完美運動。可能會有好多人唔同意，但初次試 Chris 嘅 workout，其實會幾沮喪。就算有多年運動經驗嘅人，你會發覺原來有好多動作係做唔到，其實正正表示你忽略了好多身體的肌肉，段練得不夠全面。而身體好多痛症，都係因為肌肉力量不平均而導致，之後再慢慢分享。
Calisthenics 唯一嘅唔好處就係練唔到好大隻、一舊舊，但係有需要嗎？
記住 Not just looking strong, actually being strong 才是最重要。
更多相門關文章在 極限無忌 https://healthnotaboo.blogspot.com。
如果覺得文章有用或值得支持，就請 like (like 的方法) 多啲啦！謝謝各位！
沒有留言:
發佈留言