菜脯蠔仔煎蛋

菜脯蠔仔煎蛋

🥕材料 (2人份) ~ $32.4：

蠔仔肉 4 兩 ~ $27
雞蛋 3 隻 (雞家樂湖北蛋) ~ $4.4
菜脯 40g ~ $1.0
白胡椒粉 少許
糖 1/4 茶匙
鹽 1/4 茶匙 

🍳 煮法：

1) 蠔仔肉用生粉反覆沖洗多次，小心不要弄破了蠔身。

2) 菜脯洗淨浸水 30 分鐘，去除鹹味，然後切成細粒。

3) 雞蛋打在碗裏，加鹽、糖少許，打散，再加菜脯拌勻。

4) 蠔仔肉放在碗中，用熱滾水淥一分鐘，然後放在筲箕上瀝乾水。

5) 把瀝乾水的蠔仔肉加入蛋槳中，輕輕撈勻。

6) 大火燒熱大鑊，加 2 湯匙油，加入蛋槳煎至一邊硬身才反過另一邊煎熟，就可以上碟，以上分量雖要分兩次慢慢煎。

💡 小貼士：

• 湖北蛋炒煎起嚟比較香、有蛋味；
• 蠔仔肉除了用生粉洗，也可以用鹽洗；
• 菜脯一定要浸水，去除咸味；
• 蠔仔肉加入蛋槳前一定要飛水或走油，如果沒有飛水，煎的時候蠔仔會不斷出水；
• 煎蛋槳時要大火，等一邊煎到少少焦燶才反過另一邊煎。

🍽 食後感：

今次買的湖北蛋跟之前買的不同，因為行過街市有另一個亞嬸介紹買湖北蛋一定要買雞家樂湖北蛋，試咗真係比之前買的更大隻、更香、更好食。

這一個餸係之前係一間有 47 年歷史的酒家食到，雖然簡單但非常之好食，不過酒家因為唐樓要拆，所以結業搬到去另一個地方了。

一直都想煮這個餸，但失敗了兩次，因為蠔仔肉沒有出水，煎的事候蠔仔出水，煎到個蛋爛哂。本來不嬲煮蠔都會先出水，但因為喺街度見到人哋煎蠔餅，啲蠔仔係無出水，所以就以為係唔使出水。怎知原來出邊人哋用大油鑊，跟屋企嗰鑊唔同，做唔到嗰個效果。

今次終於成功，跟酒樓食有八、九成似，蛋一定要煎香，有少少焦燶，加上菜脯及蠔仔，三者便構成了一個非常美味的組合。

參考網站：

如果覺得文章有用或值得支持，就請 like (like 的方法) 多啲啦！謝謝各位！