德國酸椰菜

德國酸椰菜

🥕材料 (2人份) ~ $34.8：

椰菜 (韓國) 300g ~ $34.8
鹽 1 大湯匙

🍳 煮法：

1) 做這個醃菜，所有工具都要用熱水消毒。首先把刀及膠砧板用熱水沖一沖。

2) 椰菜沖洗後瀝乾，切絲。

3) 將椰菜絲放入大碗內，加入鹽拌勻，放在室溫 20-30 分鐘，直到椰菜水份流出。

4) 大約 20 分鐘後，就會看到椰菜絲收縮，大碗底部就有很多水。

5) 預備裝椰菜的器皿，用熱水消毒，然後自然風乾或用焗爐 100°C 低溫焗乾。

6) 將椰菜絲倒入器皿至大約 8 成滿，不要放得太滿，因為之後椰菜發酵會釋放好多氣泡，如果太滿就會流出來。

7) 加入煮過的水或蒸餾水到水面蓋過椰菜。

8) 輕輕蓋上樽蓋，但不要蓋實，如果所用的樽蓋太輕，可用保鮮紙把樽口包住，但不要完全擰緊樽蓋，因為椰菜發酵時會放出氣泡。醃菜的時間要看天氣，如果氣溫有 25 度以上，醃 3-4 天就都可以食。如果氣溫比較冷，便要醃 5-6 天以上。醃好的菜可以放入雪櫃，放幾個星期也不會變壞。

9) 以上是醃了 2 天，開始有很多氣泡浮上面。

10) 因為最近天氣冷，醃了 5 天效果還是差一些，不過趕住食，今次就算了。

11) 除了作為冷盤做伴菜生吃，酸椰菜還可以炒熟或用水煮熟，一樣咁好味。

💡 小貼士：

• 所有蔬菜煮之前浸水 30 分鐘，不斷換水，可減少農藥殘留；
• 用韓國或日本椰菜，感覺生食會安全啲；
• 所有醃菜工具都要用熱水消毒，避免發酵時有黴菌產生；
• 椰菜要完全浸在水裏，因為如果氧化變黑，就唔食得。所以以下參考網站教用水袋壓下椰菜，防止浮面，不過我就覺得不需要，不如放多些水，少些椰菜。
• 另外一定不可以把樽蓋蓋實，否則發酵時所產生嘅氣泡，會逼爆玻璃樽。
• 醃菜要睇天做人，太熱或太冷的天氣也不太適合。

🍽 食後感：

酸椰菜當然只是配菜，因為想煮德國咸豬手，所以就預先準備醃菜，因為豬手跟酸椰菜係絕配。坊間好似唔見有酸椰菜買，所以唯有自己整。

第一次整可能有啲煩，但整過一次就好簡單。初時以為酸椰菜係用醋醃，點知原來只係用鹽，真係見識少。

參考網站：

自家制德國酸椰菜

如果覺得文章有用或值得支持，就請 like (like 的方法) 多啲啦！謝謝各位！