俄羅斯紅菜頭湯

俄羅斯紅菜頭湯

🥕材料 (4人份) ~ $89.7：

紅菜頭 2 個 ~ $18

牛肉 200g  ~ $31.9
洋蔥 1 個 ~ $3
紅蘿蔔 1 條 ~ $2

蒜頭 2 瓣
椰菜 1/4 個 ~ $4.8
扁豆 100g ~ $1 購於 「巉岩洞穴奇石丘」土耳其11天 [Kuoni 勝景遊] - 購物篇

茄膏 1 罐 (Del Monte) $12

牛精 半粒 ~ $1

香葉 2 片

鹽 少量

糖 少量

黑胡椒 少量
酸忌廉 (Paul's) 2 湯匙 ~ $6

🍳 煮法：

1) 牛肉洗淨，切粒備用。

2、把切好的牛肉及扁豆加入壓力煲，加入大約 1000ml 水，開火煮滾。

4) 水滾後，去掉表面的浮油，加入牛精及香葉，冚上壓力煲蓋，煲 30 分鐘。

5) 將紅菜頭、椰菜、紅蘿蔔及洋蔥切成絲。

6) 30 分鐘後，牛肉湯煮好備用。

7) 燒熱壓力煲，加橄欖油，炒熟紅菜頭絲。

8) 加入茄膏，再炒 5 分鐘。

9) 加入牛肉湯煮 10 分鐘。

10) 鐵鑊燒熱，加橄欖油把洋蔥炒一炒。

11) 加紅蘿蔔炒至軟身，備用。

12) 紅菜頭絲煮了 10 分鐘後，把椰菜絲加入湯中。

13) 再把洋蔥、紅蘿蔔絲及蒜頭加入。

14) 最後將煮牛肉湯的材料全部加入煲中，如果湯不足夠覆蓋所有材料，加一些水到可覆蓋所有材料。把壓力煲蓋冚上，煲 20 分鐘。

15) 20 分鐘後，紅菜頭湯就完成了。

16) 把紅菜頭湯盛在湯碗中，加入酸忌廉風味更佳。

💡 小貼士：

• 切紅菜頭時要小心紅色汁液弄污衣服；
• 菜葉及菜梗不要棄掉，可以用來做涼拌；
• 酸忌廉一定要加，可以去除紅菜頭草青味。

🍽 食後感：

紅菜頭非常有營養價值，紅菜頭是抗氧化之王：紅菜頭好處豈只補血防癌 最近看見街市有本地種的紅菜頭，之前在俄羅斯飲過紅菜頭湯，一直都想試下煮，所以就買了回家。本地種的跟超級市場買到外國種的有些不同，本地種的冇咁血紅，切起上嚟唔會弄到周圍都紅哂，不過係唔係表示營養冇咁高，就唔知道。但好明顯人身體都唔會吸收得曬，因為第二日去廁所你就會發覺好大件事，唔知道以為好熱氣。

今次出嚟效果非常滿意，個湯好好飲。但短期應該唔會再煲，因為好花時間，我花了三至四個鐘才煮好。只是切哂啲材料成為絲，已經花了很多時間，用刨刨就會快好多，但我冇。

趁而家有得買本地紅菜頭，又好平，有興趣都可以試下。

參考網站：

最正宗的俄羅斯「紅菜湯」做法

如果覺得文章有用或值得支持，就請 like (like 的方法) 多啲啦！謝謝各位！