霸王花西班牙黑毛豬展湯

霸王花西班牙黑毛豬展湯

🥕 材料 (4人份) ~ $60：

霸王花 4 棵 ~ $10
西班牙黑毛豬展  (Batalle) 500 g ~ $32
南北杏 1 湯匙
蜜棗 4 粒
紅蘿蔔 1 條 ~ $1.8
喜馬拉雅山岩鹽 1-2 茶匙 (按個人口味)

🍳 煮法：

1) 霸王花洗凈後用水浸一浸至軟身，然後切段。紅蘿蔔刨皮、洗凈、切成一大塊。南北杏洗凈後用水浸。

2) 西班牙黑毛豬展預早一晚從冰格放至下格解凍，洗凈備用。

3) 把所有材料放入壓力煲。

2) 加大約 8 碗水，開大火。

3) 當水滚，如果有浮油，可先去除，然後冚上壓力煲蓋，轉細火煲 25 分鐘。

4) 煲好，去油，加少許鹽即可。

💡 小貼士：

• 西班牙黑毛豬展不用出水，只是洗淨便可以，因為凍肉處理得非常乾淨，所以只需要去除浮油；
• 加紅蘿蔔可增加湯的甜味；
• 霸王花洗時留意有沒有小昆蟲。

🍽 食後感：

霸王花性味甘微寒，用來煲瘦肉 ，具有清心潤肺、清暑解熱、除痰止咳、滋補養顏的作用，現在肺炎流行，煲多一些清熱潤肺湯水，有助提升抵抗力。霸王花食落滑捋捋，飲湯跟豬肉一齊食，飽肚又一餐。

今次所用的急凍西班牙黑毛豬展，上次食過好好食嘅豬扒 酸忌廉香草醬拌西班牙黑毛豬扒配芝士香草焗蕃茄 ，見同一個牌子 Batalle 有其他部位買，就買嚟試下。一來新鮮豬肉貴，二來急凍肉方便，可以買定係雪櫃，隨時攞出嚟食。至於鮮甜度，以煲湯來説，沒有什麼分别，但用同等價錢，可以買多些肉，煲出來當然好味啲。因此這款西班牙黑毛豬展已經長住係雪櫃入面了。

參考網站:
霸王花煲瘦肉

如果覺得文章有用或值得支持，就請 like (like 的方法) 多啲啦！謝謝各位！