茶樹菇黃豆排骨湯

茶樹菇黃豆排骨湯

🥕 材料 (4人份) ~ $36：

茶樹菇 50g ~ $30
排骨 300 g ~ $5
紅棗 5 粒
黃豆 50g ~ $1
薑 2-3 片
喜馬拉雅山岩鹽 1-2 茶匙 (按個人口味)

🍳 煮法：

1) 茶樹菇去除菌根，洗凈後用清水泡 30 分鐘，中間換水 1-2 次。泡好後切長段。黃豆洗凈浸水 30 分鐘。

2) 排骨洗乾淨切小件，跟凍水一同放入壓力煲出水，中火慢慢煮滾，然後倒出洗乾淨。

3) 紅棗用剪刀兩邊各開個口子去核，把所有材料加入壓力煲，加大約 8 碗水。大火煮滾，然後冚上壓力煲蓋，轉細火煲 25 分鐘。

4) 煲好，去油，加少許鹽即可。

💡 小貼士：

• 出水時材料要凍水落煲，然後用中火慢慢把水煮滾。作用是如果熱水落材料，材料會突然間收縮，影響出水效果，而且熱水煮太耐食材可能會過熟。出水出得好，會少一些血水和肉騷味；
• 茶樹菇先浸水可洗去殘留農藥，而且煲的時候可以更出味。

🍽 食後感：

這個茶樹菇買了很久，清雪櫃就用嚟煲湯，不過現在煲一煲湯都好貴，新鮮豬骨都要五六十蚊斤。見街市有雪藏煲湯骨買，只是$10 蚊磅就買嚟試下。效果都唔差，最少可以買多啲，湯可以煲濃啲，反正現在買新鮮骨煲，也不見得特別鮮甜。

茶樹菇有清熱、平肝、明目、利尿、健脾之功效，多吃有防癌、抗癌、抗衰老、美容等作用。

參考網站:
茶樹菇黃豆脊骨湯
Daily Soup：茶樹菇排骨湯

如果覺得文章有用或值得支持，就請 like (like 的方法) 多啲啦！謝謝各位！