🥕材料 (2人份) ~ $7.6：
稜角絲瓜 1 條 ~ $5
雞蛋 2 隻 (湖北) ~ $2.6
薑 3-4 片切成絲
雞湯 50ml
水 50ml
鹽 少許
🍳 煮法：
1) 絲瓜刨去皮，切成小段，每小段再分成 4 塊。
2) 雞蛋打在碗裏，加鹽少許，打散。
3) 燒熱平底鑊，加 2 湯匙油，快手把蛋炒熟，剷起備用。
4) 下絲瓜，炒到有少少金黄色，加雞湯及水，再加薑絲，抄匀。如炒的時候水收乾，可逐少加點水。
5) 把炒好的雞蛋加入，炒匀，冚蓋煮 1-2 分鐘直至絲瓜軟身，加少許鹽，試味，便可熄火，上碟。
💡 小貼士：
- 沒有雞湯，只加水及雞粉也可以；
- 湖北蛋炒起嚟比較香、有蛋味；
- 炒絲瓜的時候要保持水份，因為之後把蛋回鑊，蛋可吸收瓜汁；
- 加水要逐少加，絲瓜會出水，一次加太多可能又會太多水。
🍽 食後感：
本來想買勝瓜煮蒸勝瓜，但去到菜檔，阿嬸介紹這個瓜話好食，就買了回家。回家後上網才發現這瓜叫稜角絲瓜，而台灣澎湖出產最多，所以也叫 澎湖絲瓜 。
而因為瓜身週圍有十個明顯菱角，所以也叫做十角絲瓜，只要數一數就知道是否這種瓜。
之後再找食譜，原來澎湖絲瓜炒雞蛋係地道菜，所以今次就找來詹姆士食譜，改做絲瓜炒蛋。
食譜好簡單，但如果不是找到食譜，香港應該冇人會用絲瓜炒蛋。不過效果出奇地好，可能因為絲瓜甜，蛋吸收了絲瓜汁，非常好食，相信是番茄炒蛋以外的另一個炒蛋選擇。
食譜好簡單，但如果不是找到食譜，香港應該冇人會用絲瓜炒蛋。不過效果出奇地好，可能因為絲瓜甜，蛋吸收了絲瓜汁，非常好食，相信是番茄炒蛋以外的另一個炒蛋選擇。
參考網站：
如果覺得文章有用或值得支持，就請 like (like 的方法) 多啲啦！謝謝各位！
這種湖北蛋好像比有些平價的日本蛋還貴，吃起來真的有不同嗎？
回覆刪除話說我都買過唔少蛋，最平的$1隻大陸蛋，美國蛋，泰國蛋，到貴少少的星洲蛋，日本蛋，以至最貴的粉紅色盒日本蛋也吃過，結果其實味道上吃唔出分別，只係平蛋打出來顏色怪怪，間中有一隻半隻是臭的。
由於多於半熟狀態吃，所以唔敢太慳，多買平價日本蛋為主，馮星期三 Aeon $20 一排十隻。
我買這個湖北蛋真係好食啲，好有蛋香，好似以前喺茶餐廳食蛋治嗰啲好濃嘅蛋味。我買 $19蚊15隻，唔貴，不過要喺街市買。
刪除我都試過好多隻蛋，食開百佳牌，因為我主要食烚蛋，試過泰國、美國蛋、日本蛋等， 烚完出嚟個殼黐住曬，個蛋好奇怪，反而百佳牌就冇，但就冇咩蛋味。
平嘅日本蛋我就唔係咁大信心，以前同日本仔做過生意，佢哋好鍾意喺大陸買貨返去日本扮日本貨，但就買得貴過大陸嘢。
//烚完出嚟個殼黐住曬
刪除很有同感，已搣爛過無數隻，不過練得多都剝得倒靚既：要好小心咁撕開殼下面既蛋衣，然後沿住蛋衣開出嚟咁成個殼搣出嚟
//佢哋好鍾意喺大陸買貨返去日本扮日本貨，但就買得貴過大陸嘢。
其實都唔排除會咁做，不過質量真係好過街市蛋，買過無數排了，so far未有一隻臭蛋，買貴左當比錢人檢貨囉。
//$19蚊15隻，唔貴，不過要喺街市買
抵喎，介唔介意講下邊度街市買開？
咁你要試下百佳牌，有分 L 及 XL，我通常買 XL，未試過剝唔到殻，啲蛋好正常，反而惠康啲蛋好唔掂，好多壞蛋。
刪除今次湖北蛋係長沙灣保安道街市東記蝦子麵 度買，我估佢啲蛋係用嚟做蝦子麵，不過訂多啲賣埋畀散客，行過可以去睇下。
竟然麵檔都有蛋賣... 定唔知係咪賣開蛋果間原來都係麵檔嚟？下次行過街市留意下
刪除下次就買百佳牌試下先，多謝推薦。
東記蝦子麵好耐歴史，應該是後來才賣蛋。
刪除試咗百佳牌話比我知跟日本蛋有咩分别，不過就唔好食半熟狀態。
我係街市買十蚊十隻，冇理佢咩蛋。不過蛋黃有D買返黎顏色好鮮艷，有D就正常橙黃。今晚都整炒蛋，不過係蕃茄炒蛋，第一次炒，太甜，而且會出水。
回覆刪除我都見過好紅個啲蛋，下次不會再買，其實都係差幾毫子，所以寧願買好啲。
刪除蕃茄炒蛋炒多幾次就熟手，我都時時煮。試下先落少少糖，試味，再落，因為每隻蕃茄酸度不同，所以加糖沒有特定分量。