 |
| 高師父滑蛋炒蝦仁 |
🥕材料 (2人份) ~ $25.9：
蝦仁 200g ~ $22
雞蛋 3 隻 (湖北) ~ $3.9
蔥花 一些
油 3 湯匙
🧂 醃料 (蝦仁)：
白胡椒粉 少許
糖 1/4 茶匙
鹽 1/4 茶匙
生粉 3/4 茶匙
油 1 茶匙
🧂 調味料 (雞蛋)：
鹽 1/4 茶匙
糖 1/4 茶匙
雞粉 1/4 茶匙
🍳 煮法：
1) 急凍蝦仁從冰格拿出解凍，然後用鹽揦一揦，洗淨，瀝乾備用。
2) 蝦仁用白胡椒粉、糖、鹽、生粉醃一醃，最後加上生油撈勻。
3) 雞蛋打在碗裏，加鹽、糖、雞粉、白胡椒粉少許，打散。然後加上一些蔥花。
4) 燒熱平底鑊，加 3 大湯匙油，快手把蝦仁炒一炒，剷起備用。
5) 大火燒熱平底鑊，加雞蛋炒兩炒，再加蝦仁炒一炒，熄火，用鐵鑊的餘溫把蛋及蝦仁炒熟。
💡 小貼士：
- 蝦仁用鹽揦過會爽口啲；
- 醃蝦仁的時候最後加上生油，令到炒的時候，蝦仁不會黏在一起；
- 湖北蛋炒起嚟比較香、有蛋味；
- 炒蝦仁及炒雞蛋的時候，鐵鑊要燒熱，炒時要快手，最後熄火用餘溫炒熟雞蛋才不會過老。
🍽 食後感：
上次道真兄問湖北蛋在哪裏買，我是在這個街市檔口買。
東記蝦子麵店
有興趣可以去看一看支持下小店，街市買蛋最重要是新鮮，好少買到爛或臭蛋。
今次炒出嚟個效果認真唔錯，啲蛋又香、又滑，蝦仁又爽口，味道啱啱好。
高師傅今次炒蛋最主要嘅技巧就係要燒熱鑊，下了蛋及蝦仁之後炒一炒就要熄火，然後用餘溫炒雞蛋才不會老，才會嫩滑，大家可以試一試看看效果如何。
參考網站：
高師父蝦仁炒蛋如果覺得文章有用或值得支持，就請 like (like 的方法) 多啲啦！謝謝各位！
還想問高師父是誰，原來答案在文末的連結。
回覆刪除請教一下急凍蝦仁為什麼要用鹽揦過才洗呢？就咁洗同落鹽洗有分別嗎？
另由於長沙灣離家太遠，加上家中長期有Aeon日本蛋供應，所以未有機會試吃湖北蛋。之前去過超市，本想買排百佳牌試下，但同場的馬來西亞omega3蛋特價39蚊兩排，就改買左果隻，點知烚完蛋殼仲難搣過日本蛋，只好拎晒去整荷包蛋／炒蛋... 蛋味方面，好似兩隻蛋都差不多，可能超市貨色唔夠新鮮，所以都係咁上下。
蝦仁用鹽揦過會爽口啲，有些人會用生粉揦，但我覺得用鹽雖然冇咁爽，但啲蝦有味，用生粉揦完好爽但啲蝦揦到冇哂味。
刪除我都試過百佳嘅馬來西亞、泰國蛋，完全唔掂。淨係得百佳牌可以食得下。