中國廣東省真溫泉系列 (10) - 增城白水寨嘉華溫泉度假酒店 [永安] - 購物篇

東西境古村落
廣州市增城區
https://surl.amap.com/b0r3YX30ku

天氣又開始轉冷，又係時候開始廣東省溫泉之旅。今次去了增城，行程去了一條古村，據講有幾百年曆史。村入邊有一個小市集，賣好多村民種植嘅出產，噉當然啱曬我哋又可以 shopping。

小市集範圍唔係好大，只係有十間八間鋪頭。

我哋隨便揀咗一間，個老闆娘叫齊心姨，佢好落力咁介紹啲產品俾我哋。

野生牛大力 ￥20, 野生七指毛桃 ￥13, 野生土伏靈 ￥10

本來只係想買啲牛大力、千斤拔去煲雞腳湯。但佢就冇千斤拔，就介紹咗佢用緊嘅一條湯方俾我，話之前手踭、膝頭哥痛飲咗幾次就冇事喇。見佢講到好真，就每樣買 4 兩試下，佢話已經可以分 4 次，之後飲咗睇下個效果如何？

金銀花 ￥20, 甘草黃皮 ￥20, 話梅 ￥30

除咗啲藥材、煲湯料，佢極力推薦金銀花沖水飲，可以清熱氣。我哋仲買咗好多口立濕，啲甘草黃皮、話梅平香港好多，而且仲好好食，冇咩加糖。

之後行過去另一間，老闆娘許蘭就介紹我哋買冬米，即係增城嗰度人種嘅米，而且係冬天收爐之前嗰一造米，佢話特別好食，噉就買少少睇下係唔係。

本地增城絲苗冬米 ￥10

 

江坳驛站

廣州市增城區江坳綠道綜合服務區

https://surl.amap.com/dF9syz1A1MY

之後下午就去咗間食店食農家菜，入面有間鋪頭買當地嘅農產品、手信。

呢間農家菜質素唔錯，我哋食咗有幾個餸覺得好好食，有一個雞油腐竹、菜頭蒸肉餅同霸王花煲豬骨湯都好好味。所以去到鋪頭見到有得買，就買返嚟自已整。

正果石吓腐竹 ￥45

呢包增城出產嘅腐竹好大包，不過食過真係好食所以都買咗一包。

霸王花 ￥25

黃糖頭菜 ￥10

初時食個肉餅以為係梅菜蒸肉餅，但係啲梅菜只係得心無葉就覺得好奇怪，點知去到鋪頭見到原來係一樣叫黃塘菜頭嘅醃菜，所以就買返嚟試下。

而家大陸嘅科技真係好犀利，就算去到農村，佢哋都利用電商去賣啲農產品，所以食過好食可以喺網上邊再買返。

如果覺得文章有用或值得支持，就請 like (like 的方法) 多啲啦！謝謝各位！