如果以控制體重為目標，開始幾個月成績會是最好，但慢慢各指標就會停制不前。以體脂計，2021年頭大約 22-23，開始 Calisthenics 加飲食控制，幾個月就跌到 17，之後半年也在 17-18 之間徘徊。今年開始有少少突破，最低跌到 15，近期在 15-16 之間徘徊。不過其實這是正常的，體脂不可能跌到去零，長期接近或低過 10 已經會影響健康。
 |
| 小米話我年紀得26歲，氹得人幾鬼開心😅 |
在這段期間，我加入了近年非常流行的 168 斷食法，即是每日進食時間只在 8 小時內進行，在 8 小時內食多少嘢也不是問題，只要餘下 16 小時不進食任何食物就可以。
相信有試過的人，都會發覺效果非常好，體重好快下降。不過跟其他減肥方法一樣，去到某一程度，身體適應了慢慢就沒有什麼顯著變化。而且體重可能會開始反彈，保持唔到。
168 斷食法係唔係真係咁神奇？我自己就有些保留。我會更覺得一開始進行 168 斷食法的人，只是因為要在 8 小時內進食，所以不自覺限制了卡路里的攝取，而令到體重下降。
為何那麼多減肥方法，都是初期有效，而之後效用越來越少🤔？完全是因為我哋聰明的身體適應能力強勁，可以調節身體所需去適應減少進食的效用。簡單來說就是你食少啲，身體就用少啲能量去平衡返。更甚是身體進入了"飢餓模式"，只燃燒身體的糖分（血液的糖分、肌肉），但儲存脂肪。所以點解我哋總見到非洲飢餓兒童，手腳好瘦，但個肚好大。
因此好多專家都講，控制體重要做運動，目的令到身體消耗更多能量。不過其實應該要再指明是要做負重運動，其他大部份運動例如有氣運動、跑步係冇用，只會更加快肌肉流失。
針對以上身體機制，要減肥成功，第一重點就是唔可以比身體有飢餓的感覺。而 168 斷食法很多時就有問題，因為只進食 8 小時，其餘 16 小時除非係瞓咗覺，如果唔係一定有肚餓感覺。咁你捱餓都係白費心機，因為你嘅身體唔會燃燒你肚腩嘅肥膏，只會蠶食你嘅肌肉。
尤其是香港人食飯不定時，就更難避免肚餓的時候但未到時間去食嘢，令到身體進入飢餓模式抵消咗 168 斷食法的功用。
記得初初去學茶的時候，都係放工後七、八點跑去上堂，上了幾堂之後，老師在小休時問我哋點解咁少人攞嘢出嚟食，放工後趕來應該未食飯，乜唔肚餓咩？我先醒起原來我有買到乾糧，但一上堂，不斷試唔同嘅茶，都唔覺肚餓，就唔記得攞出嚟食。
跟住佢就帶出古代茶有二十四功效，而“療飢”就是其中之一。當然我們反拗唔係喎去茶樓飲茶，係越飲越肚餓，咁就要返返去第一篇文章 飲茶點解會肚痛？ 要知道古代是沒有台地茶，茶樹就是一棵大樹，所以要體驗古代經典流下來描述茶的好處，只有在喬木大樹茶才可以找到。
當然以前的茶就是白茶或普洱生茶是沒有普洱熟茶（只有幾十年歷史），但近年研究，我哋知道普洱熟茶對胃的刺激最少，更對腸道有益，所以療飢效果最好就是普洱古樹或老樹熟茶。尤其是普洱古樹或老樹老茶頭，老茶頭是在熟茶渥堆發酵過程中，嫩芽浸出果膠凝結成塊形成的。因為老茶頭含有豐富果膠、益生菌和活性酶，在飲用後不會對胃產生刺激，而且能夠在胃的表層形成附着膜，對胃不好的人有保護作用，經常飲用可以起到養胃和護胃的功效。
另外 168 斷食法唔係鬼佬發明，以飲茶在 16 小時內療飢亦都唔係我創。係古代修彈信彿的僧侶已經有過午不食的習慣，而其餘時間只可以飲茶，就是這方法的依據。
通常實行 168 斷食法，都是早上或晚上會有飢餓感覺，在那段時間，沖一杯普洱老樹老茶頭，茶湯落肚胃部就有一種暖和的感覺，飢餓的感覺就會慢慢退去，就可以在不知不覺間進行了 168 斷食法。飲茶還有好多其他好處，慢慢去尋找就可以發掘到更多樂趣。
沒有留言:
發佈留言