以前啲人想改良動植物嘅品種，就會利用雜交方法，經過長時間，不斷嘗試，才可能找到比較優秀的品種。好像雜交水稻🌾之父袁隆平，一生人就是為了改進稻米的質量而努力。現今科技進步，用更改 DNA 基因改造嘅方法大大縮短了改良時間，但亦衍生出這種食物對人類身體會不會有壞處的爭論。無論如何我覺得最重要是生產商標明食品的來源，如果是基因改造的產品買唔買就是個人決定。不過近年多數人都注重健康，通常有得選擇標明是非基因改造，而價錢又差不多，都唔會選擇基因改造的食物。
茶葉不是主要農產品，所以都冇聽過會基因改造其品質。不過原來為了裁種、採摘方便、增加産量等因素，好耐之前種茶嘅人已經想辦法去改變茶樹的種植。
話說以前嘅茶樹好高、好大，啲人採茶葉要爬上樹，因為茶樹枝葉茂盛，要去到樹尖採一芽二葉，其實都幾危險，產量又少。想種多啲茶樹，但由撒種子到可以採茶要花十幾廿年時間。後來啲人發現如果將棵大茶樹的粗狀枝葉小心切斷，重新種到泥土中，樹枝會慢慢生根形成另一棵茶樹，更有好處生出來的茶葉非常接近母樹。之後茶農就越種越多這種茶樹，而且因為插技關係，根唔會生得深，茶樹唔會長得高，茶農就更喜歡這種茶樹因為放便採摘。不過當種咗幾年，茶農慢慢發現呢種茶樹種出來嘅樹葉，跟以前好唔同，樹葉越來越細。
以上圖片兩種樹葉無論色澤、大小、外形都不一樣，大家是否以為是兩種樹葉🤔，但實情是佢哋都係來自同一種樹木-山茶科。左邊塊葉有手掌咁大係由喬木茶樹生出來，而右邊塊葉係台地茶樹種出來，只有手指長度。當然唔使我講都知道兩種葉造出來嘅茶葉，係完全兩回事。
不過世事又一次劣幣驅逐良幣🙄，雖然茶葉質量差了很多，但因為台地茶只要加上肥料生長快速、方便採摘等因素，慢慢種植茶葉的茶農都選擇了這種裁種方法。所以我哋係不同地方見到嘅茶樹大多數都係台地茶，只有中國雲南或緬甸等地種有野生型茶樹才有喬木茶葉出產。
最後講到尾都係選擇的問題，唔知就話，雖然台地茶唔係基因改造，唔會食壞人，但如果價錢差不多，無理由唔揀喬木茶葉而揀台地茶，買生果都想買個大個啲啦😅！
需然都係 758x 茶磚，但老同志生產的 7588 茶磚標明了原料選用雲南"喬木"大葉種普洱茶，有得選擇當然是首選。
那麼中茶 7581 係唔係冇咁好，因為冇標明是用喬木樹茶料。首先中茶一樣有用大樹原料作拼配，而大部份中茶台地茶園已經是老茶園以及改成生態茶園。即是沒有用化肥、農藥、翻土等，茶樹在茶園是自由裁種，而且每一批茶料也有檢測以合乎標準，相對散茶或其他不知明牌子，仍然是飲得更加放心的選擇。
我的小賣部
沒有留言:
發佈留言