鹹肉菜飯

鹹肉菜飯

🥕材料 (2人份) ~ $24：

醃鹹肉：

五花腩一舊
鹽 2 茶匙
薑粉 2 茶匙
胡椒粉 1 茶匙

菜飯：

小棠菜 4 両 ~ $4.5
自家制鹹肉 1 小舊 ~ $18 
薑 1-2 片切成薑米
米 1 杯半 (金鳳新米) ~ $1.5

🍳 煮法：

醃鹹肉制法

1) 新鮮五花腩洗淨，用廚房紙抹乾水份，切成 2 份 (每份就是每次煮的份量)。

2) 先用鹽把4 邊搽勻 。

3) 再搽上薑粉，最後是胡椒粉。

4) 醃好的五花腩用保鮮紙包好，放入雪櫃下格醃 2-3 天，就可以用來煮食。想入味啲或食唔哂，可以放入冰格保存 3-4 個星期。

菜飯制法：

1) 小棠菜浸水半個鐘，期間要不斷換水，沖洗乾淨完之後瀝乾水份。

2) 把小棠菜切成一粒粒。

3) 鹹肉預早一晚從冰格放至下格解凍，煮前才拿出洗一洗表面，趁咸肉還未完全解凍，去皮，切成小片。

 4) 準備好所有材料，就可以開始炒。

5) 開細火，白鑊不用落油，下鹹肉慢慢煎香，

6) 當鹹肉油份開始迫出，轉中火，鹹肉便會走出更多油份，下薑米，讚酒，再炒一炒。

7) 下小棠菜粒，炒约 1 分鐘，鏟起備用。

8) 如果怕油份多，我以用筲箕隔一下。

9) 煲好的白飯先打鬆。

10) 再把鹹肉小棠菜加入，撈匀即可。

💡 小貼士：

• 自家制鹹肉，原因通常買到的鹹肉，鹹度太高，如果用來煮菜飯，要先出水，才可以用；
• 自家制咸肉如果用來炒，鹽只下少量，如果用來煲湯，鹽要下多 1-2 倍；
• 醃鹹肉加薑粉，可以去除豬騷味；
• 咸肉在半解凍狀態，會比較容易切成薄片；
• 鹹肉先用細火，白鑊煎，可以不用下油，等豬油慢慢釋出，如果一開始就大火會好容易燶；
• 怕肥，煎出的豬油，可以倒掉一些，才下菜拉。之後用筲箕隔油，也可減少。太多油，食起上嚟太油膩，太少油，撈飯之後會太乾。可以用筲箕隔油，但不要倒掉，撈完飯之後，如果不夠，可以加回。

🍽 食後感：

又是上海菜，以前上海舖菜飯好好食，但而家變咗粗製濫造，要有咸肉的就不是很多地方有得食，而且通常咸肉會好咸，太乾。

自己整咸肉係麻煩啲，還要等幾日，不過咸度自己可以調整，還有煎出的豬油，變成豬油撈飯，所以香好多。而且即整即食，啲菜唔會焗到淋哂，重有咬口，當然好食過街食。

參考網站：
巧煮意：醃咸肉Salty pork belly | Hao's Kitchen

〈 職人吹水〉 鹹肉鮮付竹浸小棠菜 配鹹肉菜飯

如果覺得文章有用或值得支持，就請 like (like 的方法) 多啲啦！謝謝各位！