這星期最大的話題都係台海問題，當中國的反制措施逐步公佈，我們不禁又一次佩服中國領導人的智慧。在閱覽資訊的時候，以下的一條 YouTube 彈了出來。
睇完之後不禁問，現在啲人究竟知道不知道自己講什麼，何解低智到那麼嚴重？YouTube 片的內容是台灣記者做街頭訪問，對像是一些台灣本土年輕人。首先記者問：「 CHINA 是什麼的英文？亅噢！咁都要問？...原來好多台灣年青人英文程度都止於頭幾個英文字母，問題來了，台灣人不是說要找西方國家保護的嗎？連人家的語言也不懂，點求人🙄。雖然全部被訪者都答得到 CHINA 是中國，但問到佢哋自己是否中國人，居然差不多全部都答「唔係」。可笑的是記者隨之拿出一張台灣護照 copy，上面正是寫著 「CHINA」。記者再問佢哋既然唔係「中國人」，點解護照上面寫著是「中國」？差不多全部的反應只是O咀，唔識點答。如果相同街訪在香港街頭做? ...結果可能會好少少，但都唔知會好幾多😖？
記得以前像他們這個年紀，對政治零興趣，最記得開飯時，老豆新聞送飯，我哋只覺得好悶希望快快報導完，就可以睇電視劇同歡樂今宵。實在新聞的內容對我們那個年紀沒有什麼作為，尤其是國際新聞，都唔知關我乜事😛。當時一般的年青人，比較關心的是朋友、感情、學業、潮流...等。為何現在社會上至大學校長，下至小學生也要關心政治，參與政治？政治可以當飯吃麼？其實我哋呢啲普通人，政治對生活有什麼幫助？期望政治可以幫助改善生活，只係奢望不勞而獲的藉口，跟奢望中六合彩冇咩分別！
另一條彈出的 YouTube 是 CNN 訪問 Roger Waters。估唔到一個我以為會做資料蒐集的記者就好似乜都唔知，一個我以為乜都唔知嘅 Rock 友就出口成文，仲叫個記者返去續多啲書。不過以個記者偏頗的表演，就算佢再讀幾多書，也只是讀到自己想睇的資料。
記得自己在求學時期，雖然香港是填鴨式教育，但自己就培養了看書的習慣，當然不排除藉口去圖書館嘅實際動機其實想識女仔😅。總之中學時代有什麼問題已經識得在書卷中找答案，從中也學懂分析問題。反之，一直以為歐美教育著重分析，但觀其網上言論，真係不見得現在有幾多西人，能對問題有分析或理解能力。
點解近年啲人變成咁？其實是我這幾年一直解不通的迷思，原因是包括家人、朋友因為政治事件的轉變，導致關係疏離。好想找方法去緩和，但縱然自己不提，不表示對方就不提，所以格局好難打破。相信有好多人也有類同的遭遇，不知道怎樣面對。好似一些 black and white 的事實，到了某些人眼中，都可以變成你死我活的爭論。
以上 YouTube 關於係唔係中國人，咁都要拗？我哋唔係中國人，唔通係西人🤭？除了現在是中華人民共和國的居民叫做中國人，如果你袓先、父母係中國人，那麼無論你去到邊你都係中國人，因為你生出嚟就已經係，係冇得選擇，除非你唔認你阿媽、老豆。去到其他地方入籍只可以叫做當地居民，但你嘅膚色始終係黃色，冇得改變，其他人都會認為你係乜乜華人，而唔會變咗做西人。
這幾年經歷無數係要黑講到白的對話，真是有啲心力交瘁。最近一個例子，朋友幫我買了些茶餅，交收當日他約了親戚飲茶，到了酒樓，他攞啲茶餅給親戚睇下有冇興趣？怎知有幾個親戚一睇就馬上講我唔飲「大陸茶」。（吓！茶唔係大陸出，咁係邊到出🤔？）咁跟住朋友講咁你又飲酒樓啲茶？他親戚居然話酒樓啲茶係香港嘅唔同嘅，（吓！香港有種茶🤔？）問佢有咩唔同，佢就話:「呢啲包裝係大陸嚟，大陸啲嘢全部都有問題，食壞人的，你信大陸牌子是真的，有無攪錯！總之就唔會買、唔會飲、大陸冇好嘢..........」（下刪三百字）。朋友講返比我聽，我當堂打了個突，但真人真事，而且唔止一個咁講🙄。
係呢個資訊氾濫的社會，懂得溯本清源是對資訊的必要態度。而發放資訊的人或組織更應該了解，基本上匿名的資訊可靠程度非常低。對於茶來說，有牌子的茶比起茶樓冇牌子的茶，可信程度當然高很多，遇到我那位朋友嘅親戚那種思維的人，都係慳番啖氣好啲。
對於普洱熟茶的溯本清源，鄒炳良先生應該是最重要的人物。他是前勐海茶廠廠長、總工程師，就是他在1973年成功引入“人工渥堆發酵普洱茶”技術，普洱熟茶才開始大量生産，普羅大眾才可以以低廉價錢飲用得到普洱熟茶。他也是大益品牌創始人之一，在1999年與盧國齡等共同創辦『海灣茶業』，現任海灣茶業董事長。所以要飲普洱熟茶，選擇茶樓那些不知名的茶葉還是老同志，相信正常人也會懂得怎樣擇選，不過呢個世界唔正常嘅人好像越來越多😞。
 |
| https://www.carousell.com.hk/p/1177697382 |
//以上 YouTube 關於係唔係中國人，咁都要拗？我哋唔係中國人，唔通係西人🤭？除了現在是中華人民共和國的居民叫做中國人，如果你袓先、父母係中國人，那麼無論你去到邊你都係中國人//
回覆刪除我屋企都出現過泥個爭拗
簡單就係搞狹義定義, 乎合如何如何先係"中國人", 乎合如何如何就唔係"中國人"O勒
唉, 呃到自己有鬼用咩?!
最緊要係外人點睇
外國人一眼望到黑頭髮, 黃皮膚, 同東亞五官特徵, 就認定到係唔係中國人- 日本人韓國人都未必可以成為一獨立分類, 香港台灣?? 系邊度架??
--Dogdogchi
其實邊有狹義、廣義，我屋企人就冇拗係唔係中國人，朋友就有。我同佢哋一起讀書好多年，以為應該學嘅嘢差不多，但原來價值觀是出來社會做嘢先建立。我做嘢見得西人多，所以一早就知佢哋唔係好嘢。通常果啲冇咩接觸西人嘅人，才會有幻想。
刪除西人基本只識分中國人同亞洲人，亞洲人黑啲，中國人白啲。正如我哋只識分白人、或偏黑啲嘅南歐、中東人一樣。
唔好話歐洲咁遠
刪除就我地既鄰居東南亞, 唔少香港人已經成日去旅行啦, 又有幾多人分得清: 泰國人, 印尼人, 菲律賓人, 柬埔寨人
最多最多, 係越南人馬來西亞多少少華人血統, 分到DD唔同
香港台灣同中國同文同種, 一大堆係中原本土系唔同時期移居過去(賽德克. 巴萊, 19世紀末都係住深山野林, 就台灣原居民O勒), 即係剛果共和國VS剛果民主共和國咋, 邊有得分
印尼同菲律賓人我分得到🙋🏻♂️，係中環好容易分到😅
刪除//點解近年啲人變成咁？其實是我這幾年一直解不通的迷思//
回覆刪除我自己諗出泥既答案係: 邪教入侵
邪教用佐更世俗既包裝, 借助網絡不斷暗地傳教
--Dogdogchi
咁西人歷史一直都係用宗教去治理國家，控制啲人民。不過近年冇人信神，就唯有作啲圖騰，例如聞煮豉油
刪除中國人不打中國人！
回覆刪除打下去，只會生靈塗炭！
經濟下滑！
基本上打杖都係冇好結果。
刪除